Skulen ligg så å seie midt i naturen,
og skulen har lang tradisjon i å nytta naturen i undervisninga. For
fleire år sidan starta skulen eit prosjekt der eitt av resultata
vart ein skogssti som startar inne på skuleområdet. Utan eit
godt samarbeid mellom skulen, ein nabo/grunneigar, Skogselskapet og FAU
ville me nok ikkje fått denne perla av ein sti.
Skogsstien blir nytta både av skulen og andre
som vil trimma eller oppleva den fine naturen. Han går gjennom variert
skog, langs eit vatn, over ein bekk og langs kulturmark - for det meste
i tørt lende. Mange plakatar opplyser om plante- og dyreartar ein
kan finna her. Skulen har sett ut fuglekassar og plakatar med stadnamn.
Fleire kvilebenkar er sett ut, og to stader er det og bord der ein kan
ta fram nista på turen. Ved Solhola er det ein god badeplass.
Klassar som har hatt uteskule har funne seg plassar
ved stien der dei har slått leir.
Hausten 2000 fekk skulen ny lavvo. Han er plassert
i nærleiken av stien.
|
|
